بزم کمال

' 5 September 1938'

بزمِ کمال

پرچمِ کفر کر نگوں، جوشِ جدال میں آ مسلم وحدت آشنا، ظلِّ ہلال میں بھی آ

اُف یہ حرم پہ ہر زماں تیری نگاہ سازیاں شُغلِ حرام تا کُجا، وضع ہلال میں بھی آ

دعوتِ مے فروش کیا، ساغرِ مے سے ہاتھ اُٹھا کوثروسلسبیل تک، شوقِ زُلال میں بھی آ

فاقہ کش و شکستہ دل، تیرے ہی ہم جلیس ہوں چھوڑ کے عشرتِ جہاں کُنجِ ملال میں بھی آ

تجھ پہ جہاں کی نعمتیں اُس کے سوا حرام ہیں ہوکے شریک دردِ قوم اہل وعیال میں بھِی آ

کیفیتِ جنیؔد ہو دبدبۂ سلیؔم بن عالمِ فقر میں نکھر شانِ جلال میں بھی آ

گردشِ صبح و شام بھی تیرے ہی حسبِ حال ہے منظر عام پر کبھی ۔۔۔ فکرِ مآل میں بھی آ

اشک بھری نگاہ کر، ماضیء کامیاب پر ہوکے رہینِ آخرت منزلِ حال میں بھی آ

جنبشِ لب میں ہے تری، شورشِ انقلاب بھی اُٹھ کے قیود حال سے مجلسِ قال میں بھی آ

وقت کی یہ صدا بھی ہے، نغمہ ور فضا بھی ہے نوحۂ بیکسی ہے کیوں، رنگِ نَوال میں بھی آ

سازِ لوائے حمد سن، رازِ پیمبری سمجھ فِکَرتِ جبرئیل کے دامِ خیال میں بھی آ

کردے سپردِ خاک ہی تاجِ شہنشہی کو بھی عجزونیاز تابکہ غیظ و جلال میں بھِی آ

طنطنۂ اذاں سے پھر زندہ ہوں قلب مردہ ذوق سازِ نفس خموش ہیں سوزِ بلالؓ میں بھی آ

زیست کا اعتبار کیا، موت کو سازگارکر رہگذر حیات پر ذوقِ نعال میں بھی آ

دہر میں اختیار کر، اہلِ رضا کی زندگی مرجع کائنات کے ذہن و خیال میں بھی آ

ڈھونڈ رہی ہے پھر تجھے، منزلِ اوجِ سرمدی قعرِ زوال سے نکل، بزمِ کمال میں بھی آ

آسان اردو – جستجو میڈیا

لِواءُ الْحَمْد (اسم)   راس:  لِواءُ الْحَمْد  ازروی روایت رسول اکرم کا علم جو بدست حضرت امیر علیہ اسلام روز محشر ہو گا۔ ۔ ۔ ۔

نَوال (اسم)   راس:  نَوال  مہربانی، احسان، بخشش، عطا، عنایت، احسان، کرم۔ ۔ ۔ ۔

- فِکَرت -اسم  کیفیت . سوچ، خیال، غوروفکر۔

نِعال - اسم  نکرہ    . بہت سے نعل، جوتے، جوتیاں۔

قعَر – [ق ع ر]گہرا گڑھا

سلسبیل – بہشت کی ایک نہر